جــــرح كبيـــــــــر

[b]جـــرح كبيــــر

جرح كبير ومالو من البشر مداوي
وبيزيد فيه كل شويه قرود وبلاوي
واحنا يا عيني قعدنا ع القهاوي
نشرب شيشه ونكتب غناوي
واللي همو يعني فينا يقول يارب
انت الشافي وقادر للجرج تداوي
بعد ما غابت عنا النخوه
ونسينا ان العرب اخوه
واملنا ....
أصبح معدوم ف الصحوه

............

ووقفنا يا عيني مساكين
ندعي علي حكام خاينين
منعونا ننجد مظاليم
في غزه وأرض فلسطين
ووقفنا قدام الحصار ساكتين
لا ايد فتحت معبر
ولا لسان واسي بكلمتين

..........

وبقينا ضمن المشاليل
كاتمين في قلوبنا وشايلين
نقول فينك يا صلاح الدين
تنجد أقصانا الحزين
اللي حاربت عشانو سنين
وتشوف هوان المسلمين
قدام امريكا واسرائيل

................

وأرجع وأقول ,..
لأ لسّه الأمل موجود
في بنات وولاد حافظين العهود
حالفين لاجلك يا فلسطين هنجود
ونضحي عشانك ونزود

فــــــــيارب

ملناش غيرك سند ومعين
قادر تفوق من الناس ملايين
قال ايه سمّوهم مسلمين
فوقهم لمبادئ أعظم دين
ووصايا رسول صادق أمين
خليهم ع الدوام متحدين
في وش الطاغي اللعين
ويرجعلنا أقصانا الحزين
ونصلي بي جماعه
قـــــولـــوا أمـــــــــــــين